USD87.45EUR96.10RUB1.06
24.kg

Опера жана балет театрынын башкы директору ээлеген кызматынан бошотулду

10:37, 31 января 2019, Бишкек - 24.kg

А.Малдыбаев атындагы Кыргыз улуттук академиялык опера жана балет театрынын башкы директору Осмонов Болот берген арызына ылайык, ээлеген кызматынан бошотулду. Бул тууралуу өкмөттүн аппаратынан билдиришти.

Маалыматка ылайык, тиешелүү буйрукка премьер-министр Мухаммедкалый Абылгазиев кол койгон.

Эске салсак, кечээ театрдын директору кызматтан кетүү тууралуу арызын жазган. Аталган театрдын жамааты «айрым маалыматтарга караганда, директорду кызматтан кетүүгө өз ыктыяры менен арыз жазууга мажбурлап жатышат», деп билдиришкен.

Буга чейин аталган маданий жайда болгон Dota 2 оюуну боюнча мелдештен кийин ызы-чуу болгон. Анда коомчулук театрда да ошондой оюндарды өткөрүүгө болобу деген нааразы кептерин айтышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18