USD87.45EUR96.10RUB1.06
24.kg

Өлкөдө көмүскө экономиканын көлөмү аныкталды

08:42, 28 января 2019, Бишкек - 24.kg

2017-жылы Кыргызстандын көмүскө экономикасынын көлөмү 125,2 миллиард сомду (1,8 миллиард доллар) түзгөн. Бул ички дүң өнүмдүн 23,6% барабар. Мындай маалыматты Улуттук статистика комитети билдирди.

Комитеттин эсеби боюнча 2016-жылга салыштырмалуу 2017-жылы ИДПга карата дүң жана чекене соода, автомобиль ремонту, курулуш тармагындагы көмүскө экономиканын үлүшү азайган. Ошол эле маалда статистикада айыл чарба эсепке алынган эмес.

2018-жылы Экономика министрлиги Реконструкция жана Өнүгүү боюнча Европа банкынын колдоосу менен көмүскө экономиканын көлөмүн иликтей баштаган. Эксперттер көйгөйдүн масштабын жана негизги себептерин аныктап, аны кыскартуу боюнча сунуштарын беришет.

Энономика министрлиги көмүскө экономиканын көлөмү жогорку деңгээлде экенин мойнуна алат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18