USD87.45EUR96.10RUB1.06
24.kg

Таштандыларды сорттой турган заводдун курулушун 2020-жылы аяктоо пландалды

09:51, 15 января 2019, Бишкек - 24.kg

Бишкек мэриясы таштандыларды сорттой турган заводдун курулушун 2020-жылы аяктоону пландап жатат. Мындай тапшырманы мэр Азиз Суракматов берди.

«Бишкек санитардык полигон» муниципалдык мекемесинин башчысы Талгат Үмөталиев билдиргендей, «Турмуш-тиричиликтик таштандылар системасы башкармалыгын жакшыртуу» долбоору боюнча иликтөө иштери жүрүп жатат.

Жаңы полигондун эскиздик долбоору аяктады. Мындан сырткары курулуш иштери боюнча инженердик-техникалык чечимдердин негизги бөлүгү бүттү. Ушул жылдын апрелинде курулушка уруксат алуу пландалууда, майда курулуш иштери башталганы турат.

Евразия өнүктүрүү банкы 22 миллион еврону грант жана насыя түрүндө берген. Бул каражатка шаардык бийлик таштандыларды сорттоочу завод, жаңы санитардык полигон курушу керек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18