USD87.45EUR96.10RUB1.06
24.kg

Роза Отунбаеванын Текебаевге ырайым көрсөтүү өтүнүчү токтотулду

16:29, 10 января 2019, Бишкек - 24.kg

Экс-президент Роза Отунбаеванын Өмүрбек Текебаевге ырайым көрсөтүү өтүнүчү токтотулду. Бул тууралуу 24.kg агенттигине президенттин алдындагы ырайым берүүчү комиссиясынан билдирди.

Алардын айтымында, экс-президенттин кайрылуусу Жаза аткаруу кызматына жөнөтүлгөн.

«Алар ырайым көрсөтүү үчүн керектүү болгон талаптар менен толуктап комиссияга жөнөттү. Комиссиянын катчылыгы карап чыгып, Роза Отунбаеванын кайрылуусун токтотту. Анткени, ырайым көрсөтүүдө соттолгон кишинин пикири угулат. Ал макулдук берип, өлкө башчысына кайрылышы керек. Өмүрбек Текебаев каршылыгын билдирип, өзүнүн күнөөсүз экендигин айтып, ырайым суроодон баш тартты. Бул боюнча ага Роза Отунбаева жооп жөнөтүлөт», — дейт.

Белгилей кетсек, Роза Отунбаеванын Өмүрбек Текебаевге ырайым кылуу сунушун парламенттин алты фракциясынын лидерлери баары колдогон. Өмүрбек Текебаев сегиз жылга соттолгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18