USD87.45EUR96.10RUB1.06
24.kg

Эл аралык кинофестивалга Кыргызстандын атынан 5 тасма катышат

16:15, 08 января 2019, Бишкек - 24.kg

Бангладештин борбору Дакка шаарында өтө турган эл аралык кинофестивалга Кыргызстандын атынан 5 тасма катышат. Бул тууралуу Кыргызстандын Кинематографияны өнүктүрүү фондунан билдиришти.

Маалыматка ылайык, иш-чара 10-18-январь күндөрү өтөт. 7-ирет өтүп жаткан бул фестивалды «Rainbow» («Күн желеси») кино коомчулугу өткөрүүдө.

Аталган фестивалда 72 өлкөдөн келген 220 тасма бир нече сынактык программада ат салышат.

Бул эл аралык фестивалдагы негизги сынакка — азиялык тасмалардын сынагына Айбек Дайырбековдун «Дарак ыры», режиссер айымдардын тасмалары катышкан бөлүктө Елизавета Стишованын «Сулайман -Тоо» жана Чолпонай Бөрүбаеванын «Өмүр» тасмалары ат салышат.

Ошондой эле фестивалда Айзада Алымбек кызынын «Өзөк», Асель Чоткараеванын «Периште» тасмалары элдин сынына коюлат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18