USD87.45EUR96.10RUB1.06
24.kg

Улуттук тарых музейи жаңы жыл башында ачылат

12:17, 24 декабря 2018, Бишкек - 24.kg

Улуттук тарых музейи жаңы жыл башында ачылат. Бул тууралуу маданият, маалымат жана туризм министри Азамат Жамангулов билдирди.

Анын айтымында, Тарых музейин оңдоо боюнча козголгон иштер жыл аягында жыйынтыкталат.

«Эгер кылмыштык териштирүүлөр бүтүп калса, жаңы жылда ачабыз», — деди ал.

Эскерте кетсек, 2015-жылы Премьер-министринин буйругу менен Мамлекеттик тарых музейи Түркия Республикасынан берилүүчү жардамдын эсебинен оңдоо тапшырмасы берилген. Келишим боюнча Түркия тарап гранттык каражат катары 15 млн АКШ доллар каражатты 3 жыл ичинде бөлүп берүүсү каралган. Жогоруда аталган гранттык каражаттардын 4 млн АКШ доллардан ашыгы Музейдин тегерек-четин жана ага жанаша аймактарын көрктөндүрүү менен фасаддык бөлүгүн оңдоо иштерине сарпталган.

Музейдин ички бөлүгүн реконструкциялоо жана тийиштүү жабдууларды сатып алуу үчүн Турак-жай жана жарандык курулуш департаментине жалпысынан мамлекеттик бюджеттен 1 млрд. 569 млн. 477 миң сом бөлүнүп берилген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18