USD87.45EUR96.10RUB1.06
24.kg

Эс алуу багында салына турган үй боюнча укук коргоочулар сотко кайрылышат

09:45, 18 декабря 2018, Бишкек - 24.kg

«Биздин укук» коомдук фондунун өкүлдөрү Түштүк Магистралдагы эс алуу багындагы 8 кабаттуу үйдүн курулушу боюнча Аламүдүн райондук прокуратурасына кайрылууну көздөп жатат. Бул тууралуу 24.kg агенттигине уюмдун башчысы Калича Умуралиева билдирди.

Айтымында, Асылбек Матиевдин компаниясы жүргүзүп жаткан курулуштун ордуна план боюнча эс алуу багы болушу керек.

«Бул мыйзамды орой бузгандык. Биз прокуратурага арызданабыз, сотко кайрылабыз. Аламүдүн айыл өкмөтүнүн жетекчилиги кандай негизде уруксат берди, жооп берүүгө милдеттүү», -деди Калича Умуралиева.

Аталган райондун башкы архитектору Мелис Мырзакулов билдиргендей, Бишкектин планынын көчүрмөсүн алган. Анда окурмандар көрсөткөн сүрөт боюнча турак-жайдын орду көрсөтүлгөн.

Эске салсак, 24.kg агенттигине окурмандар Байтик Баатыр көчөсүндөгү эс алуу багынын аймагында бир түндө тосмолор орнотулганын айтышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18