USD87.45EUR96.10RUB1.06
24.kg

Түркия парламентти кыргыз мигранттарынын пенсия маселесин чечет

15:24, 07 декабря 2018, Бишкек - 24.kg

Түркиядагы кыргызстандык мигранттардын социалдык камсыздандыруусу парламентте каралат. Бул тууралуу Түркиянын Улуу Улуттук Жыйынынын төрагасы Биналы Йылдырым Бишкектеги расмий сапарында билдирди.

Ал эки өлкө ортосунда мигранттарды камсыздандыруу боюнча келишим бар экенин белгиледи.

«Жакында эле бул келишим «Жогорку Кеңештен өттү» деген кабар алдык. Биз да Түркиянын парламентинде бул келишимди ратификациялоо жагынан иштейбиз. Мындан кийин эки өлкөнүн жарандарынын укуктарына тоскоолдук болбойт», — деди ал.

Эки өлкөнүн жарандарын социалдык камсыздандыруу тууралуу келишимге кыргыз президенти Сооронбай Жээнбековдун быйыл 9-апрелде Түркияга болгон расмий сапарында кол коюлган.

Аны жакында парламенттин эл аралык мамилелер, коргоо жана коопсуздук комитети карап чыкты. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18