USD87.45EUR96.10RUB1.06
24.kg

Кыргызстанда күнүнө 460 ымыркай жарык дүйнөгө келип, 109 киши каза болот

14:35, 28 ноября 2018, Бишкек - 24.kg

Кыргызстанда күнүнө 460 ымыркай жарык дүйнөгө келип, 109 киши каза болот. 2018-жылы Кыргызстандын калкынын саны 103 миң 210 кишиге көбөйүп, жыл аягына чейин 6 миллион 294 миң 587 кишини түзөт. Бул тууралуу Кабар агенттиги Электрондук эсептегичтердин маалыматына шилтеме берип жазды.

Калктын табигый өсүшү оң багытта болуп, 127 миң 976 кишини түзөт. Жыл ичинде болжол менен 167 миң 786 бала төрөлүп, 39 миң 811 киши көз жумат.

Тышкы миграциянын деңгээли былтыркы жылдын ченинде калса, миграция себебинен улам калктын саны 24 766 кишиге өзгөрөт. Башкача айтканда, өлкөдөн чыгып жаткан (эмигрант) кишилердин саны өлкөгө узак мезгилге жашоого келип жаткан (иммигрант) кишилердин санынан басымдуулук кылат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18