USD87.45EUR96.10RUB1.06
24.kg

Сорос фонду Түркияда өз ишин токтотот

17:27, 27 ноября 2018, Бишкек - 24.kg

Америкалык миллиардер, филантроп Жорж Соростун «Ачык коом» фонду Түркиядагы ишмердигин президент Режеп Тайып Эрдогандын катуу сынынан кийин токтотот. Немистердин «Deutsche Welle» агенттиги эл аралык кайрымдуулук фондунун өкүлдөрүнүн билдирүүсү чыкканын маалымдады.

Буга чейин түрк лидери америкалык филантропту өлкөлөр ортосунда «ажырым отун жагууда» деп айыптаган. Эрдогандын пикиринде, Сорос 2016-жылы Түркияда ишке ашпай калган төңкөрүштүн артында тургандарды каржылаган. Ошондой эле түрк лидери Сорос бир жылдан ашуун түрмөдө отурган ишкер Осман Каваланы колдогон деп эсептейт. Түрк маалымат каражаттары «Сорос фонду 2013-жылы Стамбулдун Таксим аянтында өткөн массалык нааразылык акцияларын колдогон» деп жазып турушкан.

Сорос фонду мындай дооматтардын баарын четке каккан. Эл аралык фонд дүйнөдө жарандык укуктарды коргоо багытындагы долбоорлорду колдойт.

Соростун «Ачык коом» институту Венгриянын премьер-министри Виктор Орбандын катуу сынынан улам Будапешт шаарынан Германиянын баш калаасы Берлинге көчмөк болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18