USD87.45EUR96.10RUB1.06
24.kg

Курултайдын жыйынтыгы. Делегаттар экс-президентке кылмыш иши козголсун дешет

12:10, 27 ноября 2018, Бишкек - 24.kg

24-ноябрда өткөн курултайдын делегаттары мурунку президент Алмазбек Атамбаевди апрель революциясынын идеалдарын сатып кетти жана бийликти басып алды деп айыпташууда. Бул тууралуу алар 24.kg агенттигинде болгон маалымат жыйында билдиришти. 

Айтымдарында, курултайдын катышуучулары кабыл алынган резолюциянын баардык пункттарын кадам-кадам аткаруу ниетинде. Айрыкча, алар Алмазбек Атамбаевге карата УКМК кылмыш ишин козгошу керек деген пикирде. Парламенттен дагы мурунку президентти кол тийбестиктен ажырата турган мыйзамды кабыл алууну талап кылышмакчы.

Өкмөттүн Ысык-Көлдөгү мурунку өкүлү Эмилбек Каптагаевдин айтымында, азыркы президент Сооронбай Жээнбековдун колуна бузулган башкаруу системасы тийди. Бирок, курултайдын катышуучулары президенттин бир жылдык ишмердүүлүгүнө канааттандыраарлык деген баасын беришти.

Маалымат жыйындын катышуучуларынын пикиринде, курултай өз максатына жетти. Кийинки форумду 2019-жылдын апрелинде өткөрүү пландалууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18