USD87.45EUR96.10RUB1.06
24.kg

Ноокат районунда 2 унаа кагышып, айдоочу мерт кетти

13:48, 19 ноября 2018, Бишкек - 24.kg

Ош облусуна караштуу Ноокат районунда 2 унаа кагышып, кесепетинен 48 жаштагы айдоочу каза болду. Бул тууралуу Ош облусу боюнча жол кыймылынын коопсуздугун камсыздоо башкармалыгынан билдиришти.

Маалыматка караганда, 1 киши ооруканага жеткирилди.

Окуя 18-ноябрда Кызыл-Булак айылында болгон. Райондун 1968-жылы туулган тургуну Р.С. «Мерседес-Бенц» үлгүсүндөгү автоунаасы менен бара жатып, каршы багыттагы «ДЭУ Тико» үлгүсүндөгү унаа менен кагылышкан.

Окуянын кесепетинен «ДЭУ Тико» үлгүсүндөгү автоунаасынын айдоочусу оор жаракат алып, Кызыл-Кыя шаарынын ооруканасына жетпей каза болду. Экинчи унаанын айдоочусу денесинен жаракат алып, Кызыл-Кыя шаардык ооруканасына жеткирилген.



БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18