USD87.45EUR96.10RUB1.06
24.kg

Министр: «Балага сүйүнчү» акчалай төлөмдөрдү берүү 3 күндө жүргүзүлүшү керек

11:53, 15 ноября 2018, Бишкек - 24.kg

Эмгек жана социалдык өнүгүү министри Улукбек Кочкоров Калкты тейлөө борборунда «балага сүйүнчү» бир жолку акчалай төлөмдү алуу үчүн жарандардан арыздарды кабыл алуунун жол жобосу менен жеринен таанышып чыкты. Бул тууралуу аталган министрликтин басма сөз кызматы билдирди.

Каттоо кызматынын төрагасынын орун басары Руслан Сарыбаев анкеталар толтурулуп, андан соң маалымат тез арада Эмгек жана социалдык өнүгүү министрлигинин базасына түшкөндүгүн тастыктап берди.

Министр Улукбек Кочкоров мындан аркы процесстин жүрүшү боюнча Октябрь райондук социалдык өнүгүү башкармалыгынан толук маалымат алды. «Учурда министрлик «балага сүйүнчү» акчалай төлөмдөрдү эки жуманын ичинде жүргүзүп жатат. Биз бул аралыкты эки, үч күнгө чейин кыскартышыбыз керек», — деди ал.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18