USD87.45EUR96.10RUB1.06
24.kg

Региондордогу мектептерде окуучулардын орду бош турат

11:19, 14 ноября 2018, Бишкек - 24.kg

Бишкектин мектептеринде балдар 3 смен менен окуп, класстар толуп калган. Бирок, ошол эле убакта региондордогу мектептерде окуучулардын орду бош турат. Бул тууралуу Жогорку Кеңештин отурумунда вице-премьер-министр Алтынай Өмүрбекова билдирди.

Айтымында, борбордогу 101 окуу мекемесинде 113 миң бала билим алат. Алардын 4өө жеке, 97си муниципалдык мектептер.

«Мисалы, № 29 мектепте 537 бала окуй турган болсо, учурда 3 миңден ашуун окуучу билим алат. Норма 7 эсеге көп. Ушундай эле көрүнүш № 13 мектепте да бар», -деди ал.

Учурда Кыргызстанда 173 миң окуучулардын оруну бош турат.

«Республика үчүн ири көйгөй-бул авариялык абалдагы мектептер. Бүгүнкү күндө 193 билим берүү объектиси авариялык абалда. Анын ичинен 14 мектепке оңдоо талап кылынат. 168 мектепти кайра куруш керек», -деди Алтынай Өмүрбекова.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18