USD87.45EUR96.10RUB1.06
24.kg

Шаркан-Сай каналынан 21 жаштагы келиндин cөөгү табылды

09:07, 14 ноября 2018, Бишкек - 24.kg

Өзбекстандын аймагындагы Шаркан-Сай каналынан 21 жаштагы келиндин cөөгү табылды. Бул тууралуу Ош облустук Ички иштер башкармалыгынын басма сөз кызматы билдирди.

Маалым болгондой, ал Ош облусундагы Кара-Суу районунда жашачу. Анын атасы кызын 2-ноябрдан бери дайынсыз болуп жаткандыгын айтып, милицияга кайрылган.

Дайындалган экспертизанын жыйынтыгында күч колдонуу белгилери байкалган эмес. Бирок, маркумдун кошуналарынын айтымында, ошол күнү уруш-жаңжал болуп, келин кумшекер төгүп алгандыгы үчүн күйөөсү менен кайненесинен таяк жеген.

«Бул фактылардын негизинде «келинди өз өмүрүн кыюуга жеткирген» деген версия каралууда», -деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18