USD87.45EUR96.10RUB1.06
24.kg

Маданият министрлиги наам, сыйлык сураганды токтотууга чакырды

14:25, 13 ноября 2018, Бишкек - 24.kg

«Мага наам, сыйлык сурап эмес, жаңы идея менен келгиле» — деп маданият, маалымат жана туризм министри Азамат Жаманкулов жалпы жарандык коомчулукка кайрылды. Бул тууралуу мекемеден билдиришти.

Министрдин айтымында, ага келгендердин 90 пайызы наам жана сыйлык алуу маселеси менен кайрылат.

«Жалпы маданият тармагында көйгөйлөр жок эмес, аларды жоюу үчүн болгон күч-аракетимди жумшайм. Муну токтотуу керек. Жалпы жарандык коомчулуктан мага сыйлык сурап эмес, жаңы идея менен келүүңөрдү суранам. Аткарыла турган иштердин маанилүүлүгүн эске алып, мага арка бел болууга чакырам», — деди Азамат Жаманкулов.

Ал ошондой эле министрлик өз компетенциясынын чегинде сыйлыкка келип түшкөн документтерди коллегия курамы менен карап, процедура боюнча мамлекеттик сыйлыктарды караган катчылыкка жөнөтөрүн белгилейт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18