Жумгал районунда сот залындагы чырдан кийин дайынсыз жоголгон милийса кызматкерин издөө иши токтотулду

Жумгал районунда сот залындагы чырдан кийин дайынсыз жоголгон милийса кызматкерин издөө иши токтотулду. Бул туурасында Чукул кырдаалдар министрлигинин маалымат кызматы билдирди.

5-марттагы ЧКМнын 7 куткаруучусунун издөө аракетинен да жыйынтык чыккан жок. Анын тууганы, ИИБ кызматкери Рустам Токтогуловдун макулдугу менен Жумгалдын суусуна ыргытылган милийсаны издөө иши токтотулганы маалым болду.

Эскертсек, 2014-жылдын 20-февралында Нарын облусунун Жумгал районунда сот процесси жүрүп жатканда Кара-Кече көмүр аймагында өлтүрүлгөн жигиттин туугандары темир тор артындагы күнөөлөнүп жаткан үч милийсага бензин чачып өрттөп, бирөөсүн сууга ыргытышкан. Натыйжада, алардын бирөөсүнүн жүз-келбети жана аркасы күйгөн. Дагы бир жабырлануучу ур-токмок менен райондук ооруканага жеткирилген. Ал эми үчүнчү милийса - Рустам Токтогуловду токмоктоп, Жумгалдын суусуна ыргытышкан. Аны издөө 22-февралда башталган.

Белгилей кетчү жагдай, сотто бул милийса кызматкерлери өздөрүнүн кызмат абалдарынан пайдаланып, Жумгал районунун тургуну Айбек Мамбеталиевдин денсоолугуна атайы оор залал келтирген деген айыпка байланыштуу тергелип жаткан.